З мэтай ажыццяўлення профільнага навучання ў гімназіі ў 2023/2024 навучальным годзе плануецца адкрыццё профільнага Х класа (24 вучні) з вывучэннем на павышаным узроўні вучэбных прадметаў “Матэматыка” і “Замежная мова”, "Беларуская мова" і "Замежная мова" (па групах).
На базе X класа будуць функцыянаваць профільныя групы прафесійнай накіраванасці: педагагічнай і ваенна-патрыятычнай
Прыём дакументаў у X клас гімназіі будзе ажыццяўляцца з 12.06.2023 па 10.08.2023
Да конкурсу ў гімназіях для засваення зместу адукацыйнай праграмы сярэдняй адукацыі дапускаюцца абітурыенты, у якіх у пасведчанні аб агульнай базавай адукацыі адзнакі па кожным з вучэбных прадметаў, якія вызначаны ў гэтых гімназіях для вывучэння на павышаным узроўні, не ніжэй за 7 (сем) балаў і сярэдні бал пасведчання аб агульнай базавай адукацыі не ніжэй за 7 (сем) балаў.
Конкурс пры прыёме (залічэнні) абітурыентаў у гімназіі для засваення зместу адукацыйнай праграмы сярэдняй адукацыі ажыццяўляецца на падставе сумы балаў вынікаў выніковай атэстацыі па вучэбных прадметах, якія выбраны абітурыентамі для вывучэння на павышаным узроўні ў гімназіі, і сярэдняга бала выніковай атэстацыі ў год прыёму (залічэння).
Законныя прадстаўнікі вучняў падаюць у прыёмную камісію наступныя дакументы:
- Заяву з указаннем вучэбных прадметаў для вывучэння на павышаннам узроўні
- Пасведчанне аб агульнай базавай адукацыі
- Медыцынскую даведку аб стане здароўя
(Постановление Министерства образования Республики Беларусь от 17 августа 2022 г. № 269 «О приеме лиц для получения общего среднего образования в гимназиях, средних школах»)