2017-й год у нашай краіне пройдзе пад знакам 135-гадовага юбілею вялікіх песняроў беларускага народа, класікаў нацыянальнай літаратуры Янкі Купалы і Якуба Коласа.
“Творчасць Янкі Купалы і Якуба Коласа – гэта тыя вежы, з якіх мы, беларусы, бачым цэлы свет, і па якіх свет бачыць нас”, – так трапна вызначыў ролю нашых славутых песняроў беларускі паэт, празаік, перакладчык Віктар Шніп. І з гэтым цяжка не пагадзіцца. Якуб Колас і Янка Купала – выразнікі нацыянальнай самасвядомасці, народных пачуццяў. У сваіх творах яны раскрылі нацыянальны характар, асаблівасці духоўнага складу і жыцця беларусаў, выявілі незвычайную сілу і творчую магутнасць беларускага слова.
Лірыка Янкі Купалы – гэта лірыка прарока, прадказальніка. Лірыка Якуба Коласа – перажыванні рэальнага, звычайнага, канкрэтнага чалавека.
Якуб Колас – адзін з заснавальнікаў беларускай літаратуры і стваральнікаў беларускай літаратурнай мовы. Шматграннасць яго таленту выявілася як у паэзіі, так і ў прозе, публіцыстыцы, у дзіцячай літаратуры. Якуб Колас заклаў асновы беларускага рамана. Ён – настаўнік некалькіх пакаленняў сучасных беларускіх пісьменнікаў.
Купалу мы ведаем як паэта і драматурга, аўтара цудоўных п’ес «Паўлінка» і «Раскіданае гняздо». Гэта ўзвышаны і рамантычны паэт. Любоў да Радзімы і нянавісць да яе прыгнятальнікаў гучалі на ўсіх этапах яго творчасці – ад пафасных вершаў «Мужык» і «Там» да шчырай і задушэўнай песні аб будучай перамозе над гітлераўскім фашызмам «Зноў будзем шчасце мець і долю».
Гістарычная заслуга Янкі Купалы і Якуба Коласа заключаецца перш за ўсё ў тым, што яны стварылі сапраўдныя шэдэўры нацыянальнага мастацтва і тым самым узнялі беларускую літаратуру да ўзроўню перадавых літаратур свету.
Дарагія сябры!
На працягу 2 месяцаў праходзіў конкурс відэаролікаў "Прачытай Купалу/Коласа"! Вучні школ і гімназій Ленінскага раёна г.Мінска здымалі свае відэаролікі і прадставілі іх у трох намінацыях:
"Песняры зямлі беларускай..." - відэаролікі прысвечаныя ўшанаванню памяці вялікіх паэтаў
"Не цурайцесь роднай песні ў шчасці і ў жалобе" - відэаролікі мастацкага чытання твораў Янкі Купалы
"Мой родны кут, як ты мне мілы..." - відэаролікі мастацкага чытання твораў Якуба Коласа.
Кожны з вас можа прагледзець конкурсныя работы, паставіць"Падабайкі"!
Запрашаем вас прайсці па спасылцы на плэйлісты на канале Youtube.com:
Не цурайцесь роднай песні ў шчасці і ў жалобе"
Мой родны кут, як ты мне мілы...
Песняры зямлі беларускай