Размер шрифта
A- A+
Межбуквенное растояние
Цвет сайта
A A A A
Изоображения
Дополнительно

Шестой школьный день

Мерапрыемствы шостага школьнага дня.

Дзень краязнаўства.

7 кастрычніка 2017 года гімназія № 28 расчыніла свае дзверы вучням суседніх школ № 123, № 129 для ўдзелу ў мерапрыемствах шостага дня тыдня пад агульнай назвай “Дзень краязнаўства”. Юныя экскурсаводы гімназіі Гаранская Кацярына, Грышакіна Ганна, Кайтан Мілана, Гарбачова Кацярына ў музеі “Традыцыям верныя” расказалі нашым гасцям аб рэдкіх і цікавых экспанатах-піянерскай форме савецкага часу, грашах савецкага часу і часу перабудовы, ваенных савецкіх і нямецкіх касках, патронах, дакументах і інш.

Вучаніцы 9 класа Стрэльская Лізавета і Гурманчук Марыя ў той жа час чакалі другую групу ў беларускай хатцы. Тут дзеці і падлеткі пачулі шмат цікавага пра рэчы беларускай даўніны, пра быт, жыццё і забаўкі беларусаў. Драўляная цацка на шарнірах, патэльня, ходзікі, начоўкі- усе гэтыя рэчы выклікалі найбольшую цікавасць.

Крыху пазней нашых гасцей чакала яшчэ адна добрая справа- краязнаўчы занятак па тэме “ Жыццё і творчасць славутага беларуса Напаолеона Орды”, якую правяла настаўнік гісторыі Лазук Таісія Фёдараўна. З творамі мастака можна было пазнаёміцца, наведаўшы экспазіцыю на другім паверсе гімназіі.

І на прыканцы дня ў актавай зале ўсіх чакала канцэртная праграма “Песняры зямлі беларускай”, прысвечаная 135-годдзю Я.Купалы і Я. Коласу. На працягу канцэрта гучалі вершы, песні, апавяданні беларускіх майстроў слова.

Спадзяёмся, што ўсім спадабалася ў нас у гасцях! Чакаем заўсёды!

Шосты дзень 

Вельмі насычана быў арганізаваны суботні дзень для навучэнцаў гімназіі. У 10.00 у актавай зале прайшлі дэбаты кандыдатаў у Маладзёжную палату 5-га склікання пры Мінскім гарадскім Савеце дэпутатаў, потым выбаршчыкі прынялі ўдзел у галасаванні, дзе кожны аддаў свой голас за таго, хто найбольш творча прадставіў сваю праграму дзейнасці.

 

 

Таксама ў спартыўнай зале было арганізавана першанства г. Мінска па турыстска-прыкладному шматбор’ю ў тэхніцы пешаходнага турызму памяці М.В. Сасса. Вучні гімназіі Анейчык Алена, Латышонак Лізавета, Цеплякоўскі Мікалай заваявалі І месца і атрымалі Кубак “Пераможцу”.

 

 

Завяршыў праграму 6 дня тыдня раённы конкурс “Мудры філін”, у якім прынялі ўдзел каманды агульнаадукацыйных навучальных устаноў Ленінскага раёна. Дзеці выраблялі птушыныя домікі і адгадвалі галасы розных птушак, якія гняздуюць у Беларусі.

 

Інтэрактыўная віктарына

"Краіна блакітных азёраў"

   

   

Палац Рэспублікі


СППС гімназіі ў рамках шостага дня тыдня праводзіць з вучнямі і бацькамі розныя заняткі:круглыя сталы, гульні, гутаркі, трэнінгі ў мэтах дапамогі пераадолення розных праблем.

  

 

У рамках шостага тыдня ў бібліятэцы гімназіі быў праведзены круглы стол "Прыродная аптэка. Травы - лекары людзей". Вучні знаёміліся з лекавымі травамі, наведалі беларускую хатку, у якой знаходзяцца беларускія зёлкі і частаваліся травяной гарбатай.

Усім вельмі спадабалася!

            

 

У  бібліятэцы прайшло мерапрыемства з вучнямі 1-4 класаў па тэме "Чалавек працаю славіцца". Дзеці з задавальненнем адгадвалі красворд "Свет прафесій", адгадвалі віктарыны, выконвалі заданні, прайшоў конкурс малюнкаў, дзеці былі ў ролі прадаўца, швачкі, повара, настаўніка.

 

 

Шосты школьны дзень

 

Вучні гімназіі наведалі археалагічны музей  інстытута гісторыі НАН Беларусі, дзе акунуліся ў атмасферу старажытнай культуры  нашай краіны.

Вучні гімназіі паспелі акунуцца ў трапічнае лета са мноствам прыгажэйшых матылёў з розных куткоў свету, паназіраць за нараджэннем і харчаваннем лёгкакрылых насякомых, зрабіць унікальныя фотаздымкі

Разделы сайта