Музей ̶ гэта скарб нашай памяці! Музей ̶ дзверы ў мінулае і вакно ў будучыню!
Музею гімназіі № 28 імя Уладзіміра Караткевіча «Традыцыям верныя», які існуе з 1979 года, належыць важная роля ў зберажэнні гістарычнай памяці, узмацненні сувязі паміж пакаленнямі, выхаванні любові да Радзімы, павышэнні цікавасці дзяцей і падлеткаў да краязнаўчай дзейнасці.
Мэта ̶ выхаванне ўсебакова развітай асобы, з высокім узроўнем грамадзянскасці і патрыятызму.
Задачы:
- вывучыць і асэнсаваць гісторыю і культуру ў мэтах развіцця інтэлектуальных, маральных, культурных і творчых магчымасцяў навучэнцаў;
- абараняць і папулярызаваць помнікі гісторыі роднага краю;
- фарміраваць у навучэнцаў нацыянальную самасвядомасць, далучыць іх да нацыянальнай і агульначалавечай культуры;
- правадзіць культурна-асветніцкую работу сярод гімназістаў, законных прадстаўнікоў, насельніцтва.
Кіраўнік музея Ганна Пятроўна Давідоўская, настаўнік гісторыі і грамадазнаўства адзначае: «Мэта маёй працы ̶ выхаваць асобу шляхам далучэння да жывога вопыту гісторыі і культуры. Любоў да роднага краю, веданне сваіх каранёў ̶ аснова, на якой толькі і можа здзяйсняцца выхаванне духоўнай культуры ўсяго грамадства». Шмат гадоў у музеі не перапыняе працу пошукавы атрад «Юныя следапыты». Вынікам з'явілася адкрыццё наступных раздзелаў музея:
- Старонкі гісторыі сярэдняй школы №2, гімназіі № 28;
- Побыт беларусаў XVIII ̶ XIX cтагоддзяў;
- Гісторыя Вялікай Айчыннай вайны на тэрыторыі Беларусі;
- Баявы шлях 31-й арміі, матэрыялы аб генерале Глаголеве В.В, аб ветэранах, якія ваявалі ў складзе 31-й арміі;
- Сучасныя узброеныя сілы Рэспублікі Беларусь;
- Генацыд мірнага насельніцтва ў гады Вялікай Айчыннай вайны.
Сення трэба ведаць кожнаму, што веданне мінулага – гэта разуменне сучаснасці. Сучаснасць – гэта вынік , а мінулае гэта яшчэ несфарміраваная будучыня.
Экспазіцыя "Генацыд мірнага насельніцтва у гады Вялікай Айчыннай вайны"
