Правілы азнаямлення законных прадстаўнікоў навучэнцаў з вынікамі вучэбнай дзейнасці
УЗГОДНЕНА
Рашэнне педагагічнага савета
дзяржаўнай установы адукацыі
«Гімназія № 28 імя Уладзіміра Караткевіча г. Мінска»
29.08.2022 № 1
Аб парадку атрымання законнымі прадстаўнікамі навучэнцаў гімназіі інфармацыі аб ходзе і змесце адукацыйнага працэсу, метадах навучання і выхавання, выніках вучэбнай дзейнасці навучэнцаў.
У адпаведнасці з Кодэксам Рэспублікі Беларусь аб адукацыі, Законам Рэспублікі Беларусь "Аб правах дзіцяці" і іншымі актамі заканадаўства законныя прадстаўнікі непаўналетніх навучэнцаў маюць права на атрыманне інфармацыі аб ходзе і змесце адукацыйнага працэсу, метадах навучання і выхавання, выніках вучэбнай дзейнасці навучэнцаў. У адпаведнасці з артыкуламі 160 і 161 Кодэкса Рэспублікі Беларусь аб адукацыі навучэнцы пры засваенні зместу адукацыйных праграм агульнай сярэдняй адукацыі праходзяць бягучую, прамежкавую і выніковую атэстацыю. Атэстацыя навучэнцаў праводзіцца ў адпаведнасці з Правіламі правядзення атэстацыі навучэнцаў пры засваенні зместу адукацыйных праграм агульнай сярэдняй адукацыі, якія зацверджаны Міністэрствам адукацыі Рэспублікі Беларусь. Гэтымі Правіламі вызначаны парадак правядзення бягучай, прамежкавай, выніковай атэстацыі. У адпаведнасці з пунктам 41 главы 5 Дзяржаўнага школьнага стандарту, які ўзгоднены пастановай калегіі Міністэрства адукацыі Рэспублікі Беларусь ад 10.05.2022 № 4.11 навучэнцы абавязаны прадастаўляць дзённік па першым патрабаванні педагагічнага работніка ўстановы адукацыі для выстаўлення бягучых адзнак. Законныя прадстаўнікі вядуць кантроль за вынікамі бягучай атэстацыі навучэнцаў штотыднёва, падпісваючы дзённік. Вынікі прамежкавай атэстацыі навучэнцы ўносяць у зводную ведамасць дзённіка пад кантролем класнага кіраўніка. Законныя прадстаўнікі знаёмяцца з вынікамі прамежкавай атэстацыі напрыканцы кожнай чвэрці і ставяць свой подпіс. Згодна з пунктамі 10, 11 главы 3 Метадычных рэкамендацый па фарміраванні культуры вуснага i пісьмовага маўлення ва ўстановах адукацыі, якія рэалізуюць адукацыйныя праграмы агульнай сярэдняй адукацыі ад 07.07.2022 ( далей – Метадычныя рэкамендацыі) для выканання навучальных і кантрольных работ навучэнцы павінны мець адпаведныя сшыткі (для кантрольных і навучальных работ). Сшыткі для кантрольных работ выдаюцца вучням на вучэбных занятках для выканання адпаведнай работы і работы над памылкамі на працягу навучальнага года і захоўваюцца ва ўстанове адукацыі да пачатку наступнага навучальнага года (пункт 16 главы 3 Метадычных рэкамендацый). Азнаёміцца з вынікамі кантрольных работ і атрымаць, пры неабходнасці, тлумачэнні па адзнацы законныя прадстаўнікі навучэнцаў могуць у зацверджаны кіраўніком установы адукацыі дзень бацькоўскіх кансультацый у прысутнасці настаўніка - прадметніка (кожная трэцяя субота месяца з 9.00 да 13.00). Не дапускаецца фатаграфаванне (ксеракапіраванне) работ навучэнцаў. Пазнаёміцца з вынікамі бягучай, прамежкавай або выніковай атэстацыі свайго дзіцяці законныя прадстаўнікі могуць у дзень бацькоўскіх кансультацый з класным кіраўніком, настаўнікамі-прадметнікамі. Не дапускаецца вывучэнне паспяховасці, а таксама параўнанне вынікаў вучэбнай дзейнасці іншых навучэнцаў. Забараняецца фатаграфаванне старонак класнага журнала. Азнаёміцца з метадамі навучання і выхавання навучэнцаў законныя прадстаўнікі могуць у ходзе размовы з класнымі кіраўнікамі, настаўнікамі пачатковых класаў, выхавацелямі ГПД, настаўнікамі-прадметнікамі, кіраўнікамі аб'яднанняў па інтарэсах у дзень бацькоўскіх кансультацый. У выпадку неабходнасці дадатковай інфармацыі - пры звароце да кіраўніцтва гімназіі.
Прававыя акты:
- КОДЕКС РЭСПУБЛІКІ БЕЛАРУСЬ АБ АДУКАЦЫІ ад 13 студзеня 2011 г. № 243-3
(са змяненнямі і дапаўненнямі ад 14 студзеня 2022 г. № 154-3).
- Закон Рэспублікі Беларусь ад 14 студзеня 2022 г. № 154-3 «Аб змяненні Кодекса Рэспублікі Беларусь аб адукацыі».
- Закон Рэспублікі Беларусь ад 19 лістапада 1993 г. № 2570-XII «Аб правах дзіцяці»
(са змяненнямі і дапаўненнямі ад 19 мая 2022 г. № 171-3).
- Закон Рэспублікі Беларусь ад 19 мая 2022 г. № 171-3 «Аб змяненні законаў».
- Закон Рэспублікі Беларусь ад 07 мая 2021 № 99-3 «Аб абароне персанальных дадзеных»
(са змяненнямі і дапаўненнямі ад 1 чэрвеня 2022 г. № 175-3).
- Пастанова Міністэрства адукацыі Рэспублікі Беларусь ад 20.06.2011 № 38 "Аб зацвярджэнні Правілаў правядзення атэстацыі навучэнцаў пры засваенні зместу адукацыйных праграм агульнай сярэдняй адукацыі" (са змяненнямі і дапаўненнямі ад 11 жніўня 2021 г. № 170).
- Дзяржаўны школьны стандарт, узгоднены пастановай калегіі Міністэрства адукацыі Рэспублікі Беларусь ад 10.05.2022 № 4.11.
- МЕТАДЫЧНЫЯ РЭКАМЕНДАЦЫІ па фарміраванні культуры вуснага i пісьмовага маўлення ва ўстановах адукацыі, якія рэалізуюць адукацыйныя праграмы агульнай сярэдняй адукацыі от 07.07.2022.